શહેરના તાંદલજા વિસ્તાર નજીકથી આજે બપોરના સમયે એક અજાણ્યા યુવકનો મૃતદેહ મળતા ચકચાર મચી જવા પામી છે. ભારે દુર્ગંધ આવતા આસપાસના લોકોને જાણ થતાં પોલીસને જાણ કરવામાં આવી હતી. બનાવને પગલે જે.પી રોડ પોલીસે સ્થળ પર પહોંચી તપાસનો ધમધમાટ શરૂ કર્યો છે.
બનાવ અંગેની મળતી માહિતી અનુસાર, શહરેના તાંદલજા વિસ્તાર નજીક આવેલા અલ કરીમ રેસીડન્સી નજીક આવેલા એક ખુલ્લા મેદાનમાં આજે સવારથી જ ભારે દુર્ગંધ આવી રહીં હતી. તેવા આસપાસના લોકોએ મેદાનમાં જોતા એક મૃતદેહ ડીકમ્પોઝ થયેલી હાલતમાં જોવા મળ્યો હતો.
આ મામલે સ્થાનિક પોલીસને જાણ કરાતા જે.પી રોડ પોલીસ સ્ટેશનનો સ્ટાફ ઘટના સ્થળે આવી પહોંચ્યો હતો. પોલીસના ઉચ્ચ અધિકારીઓને બનાવની જાણ થતાં તેઓ પણ સ્થળ પર આવી પહોંચ્યો હતો. રહસ્યમય સંજોગોમાં મળેલા યુવકના મૃતદેહની પ્રાથમિક તપાસમાં તેના શરીર ઉપર કોઇ પણ પ્રકારના ઘાના નિશાન મળી આવ્યાં ન હોવાનુ જાણવા મળી રહ્યું છે. આ ઉપરાંત આ મૃતદેહ બે દિવસ પૂર્વેનો હોવાનુ માનવામાં આવી રહ્યું છે. હજી સુધી મૃતક યુવકની ઓળખ છતી થઇ નથી.
Reporter: News Plus
