વડોદરા : શહેર નજીક આવેલી વાઘોડિયા જીઆઇડીસીની કંપનીમાં આજે સવારે ભીષણ આગ લાગતા વડોદરા ફાયર બ્રિગેડની મદદ લેવામાં આવી હતી.
વડોદરા જિલ્લામાં વાઘોડિયા તાલુકાની જીઆઇડીસીમાં આવેલી જે.જે ફોમ નામની કંપનીમાં આગ લાગવાનું કારણ જાણી શકાયું નથી.પરંતુ, આગ એટલી ભીષણ હતી કે ત્રણ કિલોમીટર વિસ્તારમાં તેના ધુમાડા અને જ્વાળા જોઈ શકાતી હતી.
આ ઉપરાંત ફાયરની સુવિધા પણ ટાંચી પડતાં આગ ઝડપભેર ફેલાઈ હતી અને પ્લાન્ટને તબાહ કરી દીધો હતો. વાઘોડિયા જીઆઇડીસીમાં આવેલી મોટી કંપનીઓના ફાયર બ્રિગેડ મદદથી આવ્યા હતા. પરંતુ આગ કાબુમાં નહીં આવતા વડોદરા ફાયર બ્રિગેડને પણ બોલાવવામાં આવી હતી.
Reporter: admin
