મહિલા એશિયા કપ 2026: મહિલા એશિયા કપની ગ્રુપ-એની મેચમાં ભારતીય મહિલા ટીમે શાનદાર પ્રદર્શન કરીને પાકિસ્તાનને 7 વિકેટે હરાવ્યું. ભારતીય બોલરોએ જબરદસ્ત બોલિંગ કરતા પાકિસ્તાનની આખી ટીમને માત્ર 55 રનમાં ઓલઆઉટ કરી દીધી.
પાકિસ્તાનની બેટિંગ ભારતીય બોલરો સામે સંપૂર્ણપણે નિષ્ફળ સાબિત થઈ. શ્રી ચરણીએ શાનદાર બોલિંગ કરતા 4 ઓવરમાં માત્ર 7 રન આપીને 3 વિકેટ ઝડપી હતી. જ્યારે પ્રેમા રાવતે પણ 9 રન આપીને 3 વિકેટ ઝડપી હતી. બંને બોલરોની ઘાતક બોલિંગના કારણે પાકિસ્તાનની ટીમ મોટો સ્કોર બનાવી શકી નહોતી.
56 રનના સરળ લક્ષ્યનો પીછો કરવા ઉતરેલી ભારતીય ટીમે શરૂઆતમાં કેટલીક વિકેટ ગુમાવી હતી, પરંતુ લક્ષ્ય ખૂબ નાનું હોવાથી ટીમ પર કોઈ ખાસ દબાણ આવ્યું નહોતું. ભારતે 8.4 ઓવરમાં 3 વિકેટ ગુમાવીને 57 રન બનાવીને મેચ પોતાના નામે કરી લીધી.
આ જીત સાથે ભારતીય મહિલા ટીમે પાકિસ્તાન સામેનો પોતાનો શાનદાર રેકોર્ડ જાળવી રાખ્યો છે. ભારતીય બોલરોના જોરદાર પ્રદર્શન અને બેટરોના સંયમને કારણે ટીમે સરળતાથી મેચ જીતી લીધી.
Reporter: admin
