આજે અષાઢ સુદ પૂર્ણિમાને ગુરુપૂર્ણિમા છે સાથે સાથે તિથિ મુજબ મ્યુનિ. કાઉન્સિલર અને પૂર્વ વિપક્ષી નેતા લોકપ્રિય અને સ્પષ્ટ વક્તા એવા ચંદ્રકાન્ત શ્રીવાસત્વ (ભથ્થુભાઇ) નો જન્મદિવસ છે

ત્યારે તેમના પ્રતાપનગર રોડ સ્થિત નિવાસસ્થાને વહેલી સવારથી જ રાજકીય, ધાર્મિક, સામાજિક સંગઠનોના આગેવાનો ઉપરાંત કાર્યકરો દ્વારા તેમને જન્મદિવસ ની તેમજ ગુરુપૂર્ણિમા ની શુભેચ્છાઓ પાઠવવામાં આવી હતી સાથે સાથે તેમના આરોગ્ય સુખાકારી, દિર્ઘાયુ ની પણ પ્રાર્થના કરવામાં આવી હતી. ચંદ્રકાન્ત શ્રીવાસ્તવ (ભથ્થુભાઇ) એ કોંગ્રેસ પક્ષ સાથે જોડાયેલા વ્યક્તિ તો છે જ તેઓ એક સારા લોકપ્રિય નેતા તથા સામાજિક સેવામાં પણ ખૂબ અગ્રેસર છે. તેઓ હંમેશાં પ્રજાના પ્રશ્નો, ન્યાય માટે લડત આપતા રહે છે કોઇપણ પ્રકારના ધર્મ, જ્ઞાતિ જાતીના ભેદભાવ વિના અવિરત પણે લોકસેવા માટે તત્પર આ નેતાને તમામ રાજકીય પક્ષોના લોકો, ધાર્મિક આગેવાનો, સામાજિક સંગઠનો ખૂબ આદર આપે છે તેવી લોકપ્રિયતા તેઓની છે. 

આટલી ઉમરે પણ એક નવજુવાનને શરમાવે તેવી ગજબની સ્ફૂર્તિ, સાથે તેઓ પોતાનું કાર્ય કરતા હોય છે. પાલિકાની સભામાં કે ઉચ્ચસ્તરીય રજૂઆત કરવાની હોય ત્યારે ભથ્થુભાઇ ની બુલંદ અવાજ અને તર્ક સાથેની રજૂઆત થી સૌ તેઓને સાંભળતા અને નોંધ લેતા હોય છે. તેઓ એક પ્રકારે અજાતશત્રુ કહી શકાય. પોતાના જીવનમાં તેઓ પોતાના માતાને પોતાના ગુરુ માને છે. સંયુક્ત પરિવાર સાથે રહી તેમણે સાચા અર્થમાં વસુધૈવ કુટુમ્બકમની વાતને યથાર્થ કરી છે. આવા લોકપ્રિય નેતા, સમાજસેવી ચંદ્રકાન્ત શ્રીવાસ્તવ (ભથ્થુભાઇ) ને અમારા મિડિયા પરિવાર તરફથી પણ જન્મદિવસ ની ખૂબ ખૂબ શુભેચ્છાઓ.

Reporter: admin