અમદાવાદ: શહેરના થલતેજ વિસ્તારમાં આવેલ એક્રોપોલીશ મોલમાં સિરામિકના શો રૂમમાં આગ લાગતા દોડધામ મચી હતી.આગ કઈ રીતે લાગી તેનું કારણ સામે આવ્યું નથી,પરંતુ પ્રાથમિક રીતે શોર્ટ સર્કીટથી આગ લાગી હોવાનુ લાગી રહ્યું છે,ફાયર વિભાગે આગને કાબુમાં લીધી હતી.

અમદાવાદના થલતેજ ચાર રસ્તા પાસેના મોલના બીજા માળે આગની ઘટના સામે આવી છે. મળતી માહિતી મુજબ થલતેજ ચાર રસ્તા પાસે આવેલા એક્રોપોલિસ મોલમાં આગ લાગવાનો બનાવ બન્યો હતો.જેમાં સેરા સિરામિકસના શો રૂમમાં આગ ઘટના ઘટી છે. ત્યારે આગની જાણ થતા જ ફાયર વિભાગની ટીમ ઘટના સ્થળ પર પહોંચીને આગ ઓલવવા પ્રયાસ કરી રહી છે.ઘટનામાં કોઈ જાનહાની થઈ નથી.

સવારના સમયે એક્રોપોલીશ મોલમાં આગ લાગતા અફડાતફડી મચી હતી,મોલમાં ઘણી હોટલો અને કંપનીઓ આવેલી છે,તો વહેલી સવારે આગ લાગતા લોકોમાં ગભરાહટનો માહોલ ફેલાયો હતો,ફાયર વિભાગે મોલમાં રહેલ તમામ લોકોને મોલની બહાર કાઢયા હતા અને આગને કાબુમાં લીધી હતી,પોલીસે પણ ઘટના સ્થળે પહોંચી આગને કાબુમાં લીધી હતી.આ મોલ પ્રખ્યાત મોલ છે જેમાં એક ફિલ્મ થિયેટર પણ આવેલુ છે.ત્યારે ઘટનામાં કોઈ જાનહાનીના થતા લોકોએ રાહતનો શ્વાસ લીધો હતો.

Reporter: admin