વડોદરા : શહેરના રેલવે સ્ટેશન પાસેના રેલવે ગોદી ખાતે અજાણ્યા પુરુષની ડીકમ્પોઝ  બોડી રહસ્યમય સંજોગોમાં મળી આવતા રેલવે પોલીસ તથા આરપીએફ ઘટના સ્થળે પહોંચી હોવાનું જાણવા મળ્યું છે.

વડોદરા રેલ્વે સ્ટેશન ની હદમાં રેલવેની ગોદી આવેલી છે આ ગોદીમાં રેલવેમાં આવતા અનાજ ની બોરીઓ રાખવામાં આવે છે જોકે આ જગ્યાએ અજાણ્યા પુરુષની ડીકમ્પોઝ બોડી મળી આવી છે. આ બનાવવાની જાણ રેલવે પોલીસ તથા આરપીએફને થતા તેમનો સ્ટાફ ઘટના સ્થળે પહોંચ્યો છે જ્યાં આ બનાવ સંદર્ભે આજુબાજુમાં રહેતા વ્યક્તિઓને પૂછપરછ કરતા સવારના સમયે આ સ્થળે બોડી પડેલી નજરે પડી ન હતી. થોડા કલાકો પહેલા જ ડી કમ્પોઝ બોડી મળી આવતા સ્થાનિકોમાં શંકા કુશંકાના ભમરડો સર્જાયા છે

અને લોકોનું જણાવવું છે કે ડી કમ્પોઝ બોડી કોઈક અજાણ્યા શખ્સો નાખી ગયા હોવાનું અનુમાન કરવામાં આવી રહ્યું છે. અલબત્ત આ બનાવ સંદર્ભે રેલવે પોલીસ દ્વારા ડી કમ્પોસ્ટ થયેલ અજાણ્યા વ્યક્તિના મૃતદેહને હાલના તબક્કે પોસ્ટમોર્ટમ માટે સયાજી હોસ્પિટલમાં લાવવામાં આવ્યો હોવાનું જાણવા મળ્યું છે.

Reporter: admin