વડોદરા શહેરમાં રાત્રે 2–3 વાગ્યે પણ ખાલી રસ્તા પર નાગરિકો ટ્રાફિક સિગ્નલ સામે ઊભા રહેતા જોવા મળે છે. રસ્તા પર એકપણ વાહન નથી… પણ સિગ્નલ સાહેબને તો રાતરાણી જેવો જાગવાનો શોખ છે!
કદાચ ટ્રાફિક પોલીસને લાગે છે કે વડોદરાના લોકો પાસે રાત્રે કરવા જેવું બીજું કોઈ કામ નથી, એટલે થોડી મિનિટો સિગ્નલ પાસે ઊભા રહેવા દઈએ! ગુજરાતના મોટા શહેરોમાં રાત્રે સિગ્નલ Blink મોડ પર રાખીને નાગરિકોને રાહત આપવામાં આવે છે. પરંતુ વડોદરા? અહીં તો સિગ્નલ કરતા પણ વધારે કડક અમારી ટ્રાફિક પોલીસની નિંદ્રા છે, એટલે સુધારો તો દૂરની વાત — સમસ્યા છે તે પણ દેખાતી નથી.
ખાલી રોડ… ખાલી ચોરાહો… પણ સિગ્નલ રેડ.અને પછી કહે કે સ્માર્ટ સિટી! સ્માર્ટ સિગ્નલ તો એ હોય કે નાગરિકોના સમયનો માન રાખે, નહી કે રાત્રે 3 વાગ્યે પણ તેમને “ટ્રાફિક જામ”નો અનુભવ કરાવે.
વડોદરાના નાગરિકો પર જ આવા અખતરા કેમ?
શું સાચે જ નાગરિકોની સુવિધા કોઈની પ્રાથમિકતા છે કે ફક્ત કાગળ પરની વાતો? રાત્રે Blink મોડ જેવી સરળ વ્યવસ્થા ન અપનાવવી એ સીધી બેદરકારી છે — અને તેનો ભોગ રોજબરોજ નાગરિકો ભોગવે છે.
Reporter: admin
