સરદાર-ગાથા અંતર્ગત નવલખી ખાતે ખ્યાતનામ કલાકાર કીર્તીદાન ગઢવી નો ભવ્ય લોક-ડાયરો.
સમગ્ર વિશ્વમાં હિન્દુસ્તાનને ગૌરવવંતુ સ્થાન અપાવનાર રાષ્ટ્રના પ્રધાનમંત્રી માન. નરેન્દ્ર મોદીજીની પ્રેરણા થી સરદાર વલ્લભભાઈ પટેલની ૧૫૦મી જન્મજયંતીના વર્ષ નિમિતે વિવિધ કાર્યક્રમોનું આયોજન કરવામાં આવ્યું છે.
તે અંતર્ગત સરદાર પટેલના જન્મ સ્થળ કરમસદ થી કેવડીયા કોલોની થી રાષ્ટ્રીય પદયાત્રા સરદાર @ ૧૫૦ યુનિટી માર્ચનો શુભારંભ તા. ૨૬ મી નવેમ્બરના રોજ મુખ્યમંત્રી માન. ભૂપેન્દ્ર પટેલે શુભારંભ કરાવ્યો. આ રાષ્ટ્રીય પદયાત્રા સંસ્કારી નગરી વડોદરા ખાતે તા. ૨૮ મી નવેમ્બરને શુક્રવારના રોજ વડોદરા જિલ્લાના સિંધરોટ ખાતેથી શહેરમાં પ્રવેશ થશે. ત્યાર બાદ રાષ્ટ્રીય પદયાત્રા તા. ર૯મી નવેમ્બરને શનિવારના રોજ ગોત્રી – સેવાસી ખાતે જાયડસ કંપની પાસેથી પ્રારંભ કરવામાં આવશે.
આ રાષ્ટ્રીય પદયાત્રાના સંયોજક - સાંસદ ડૉ. હેમાંગ જોષી, શહેર અધ્યક્ષ ડૉ. જયપ્રકાશ સોની, માન. મંત્રી મનીષા વકીલ, ગુ. વિધાનસભા મુખ્ય દંડક માન. બાળકૃષ્ણ શુકલ, મેયર પીન્કી સોની, ધારાસભ્ય યોગેશ પટેલ, ધારાસભ્ય કેયુર રોકડીયા, ધારાસભ્ય ચૈતન્ય દેસાઈ, કોર્પોરેશના પદાધિકારીઓ, પક્ષના પદાધિકારીઓ, મ્યુ. કાઉન્સિલરઓ, કાર્યકર્તાઓ, શુભેચ્છકઓ મોટી સંખ્યામાં જોડાશે.સરદાર @ ૧૫૦ યુનિટી માર્ચ—રાષ્ટ્રીય પદયાત્રાનાં શહેરમાં પરીભ્રમણ દરમિયાન તા. ૨૯મી એ શનિવારનાં રોજ સાંજે ૦૭:૦૦ કલાકે આંતરરાષ્ટ્રીય ખ્યાતી પ્રાપ્ત કલાકાર કીર્તીદાન ગઢવીનો ભવ્ય લોક-ડાયરો રાખવામાં આવ્યો છે.અખંડ ભારતના શિલ્પી રાષ્ટ્રનાં પ્રથમ ગૃહમંત્રી સરદાર વલ્લભ પટેલને સાચી અંજલી આપવા માટે વડાપ્રધાન માન. નરેન્દ્ર મોદીજીની પ્રેરણાથી યોજવામાં આવેલ આ રાષ્ટ્રીય પદયાત્રા સરદાર @૧૫૦ યુનિટી – માર્ચનાં વડોદરા શહેરમાં આગમન અને પરિભ્રમણ પ્રસંગે તથા લોક ડાયરોમાં સંસ્કારી નગરીનાં નગરજનોને ખુબ જ મોટી સંખ્યામાં પધારવા માટે વડોદરા શહેર સ્વાગત સમિતિ તરફ થી હાર્દિક નિમંત્રણ.
Reporter: admin
