GCERT, ગાંધીનગર અને જિલ્લા શિક્ષણ અને તાલીમ ભવનના સંયુક્ત ઉપક્રમે પ્રતિ વર્ષ વિજ્ઞાન, ગણિત અને પર્યાવરણ પ્રદર્શન આયોજિત કરવામાં આવે છે. જે અંતર્ગત યુઆરસી ઝોન કક્ષાનું બાળ વૈજ્ઞાનિક પ્રદર્શન ૨૦૨૫-૨૬ માધવરાવ સદાશીવરાવ ગોળવલકર (પૂ. ગુરુજી) પ્રાથમિક શાળા (હરણી) ખાતે તારીખ ૨૭/૧૧/૨૦૨૫ નાં રોજ યોજવામાં આવ્યું.
પ્રદર્શનમાં નગર પ્રાથમિક શિક્ષણ સમિતિ, વડોદરા તથા શહેરની અન્ય ખાનગી શાળા મળીને કુલ ૪૪ જેટલી શાળાના બાળ વૈજ્ઞાનિકોએ ભાગ લીધો હતો. આ વર્ષે આ પ્રદર્શનમાં મુખ્ય વિષય – “ વિકસિત અને આત્મ નિર્ભર ભારત માટે STEM” આધારિત કુલ ૦૫પેટા વિષયો પર બાળ વૈજ્ઞાનિકો દ્વારા કૃતિઓ રજુ કરવામાં આવી.બાળ વૈજ્ઞાનિક પ્રદર્શન ૨૦૨૫-૨૬નો શુભારંભ સવારે ૯.૩૦ કલાકે નગર પ્રાથમિક શિક્ષણ સમિતિ, વડોદરાના અધ્યક્ષશ્રી આદિત્યભાઈ પટેલના હસ્તે કરવામાં આવ્યો. આ કાર્યક્રમમાં નગર પ્રાથમિક શિક્ષણ સમિતિ, વડોદરાના ઉપાધ્યક્ષ અંજના ઠક્કર, શાસનાધિકારી ડૉ. વિપુલભાઈ ભરતીયા, નગર પ્રાથમિક શિક્ષણ સમિતિના સભ્યઓ, યુઆરસી કો.ઓ., સમગ્ર શિક્ષાનો સ્ટાફ, ભાગ લેના શાળાના શિક્ષકો અને બાળકો ઉપસ્થિત રહ્યા હતા.નગર પ્રાથમિક શિક્ષણ સમિતિના અધ્યક્ષ આદિત્ય પટેલે બાળકોને પ્રોત્સાહિત કરતા જણાવ્યું હતું કે, આપ સૌ આવતીકાલના વૈજ્ઞાનિકો છો તો દેશ માટે શું કરવાની જરૂર છે તે આ ઉંમરથી જ આપને શીખવવામાં આવે છે.
આદર્શ બાળક બનવા માટે જીવનમાં શું પરિવર્તન કરવું જોઈએ અને જીવનમાં કયા કયા મુલ્યો આત્મસાત કરવા જોઈએ તે વિષયક ખુબ જ ઉત્કૃષ્ઠ માર્ગદર્શન તેઓ દ્વારા આપવામાં આવ્યું હતું. આ સાથે આ બાળકોને તૈયાર કરનાર તમામ શિક્ષકોને પણ અભિનંદન પાઠવ્યા હતા. નગર પ્રાથમિક શિક્ષણ સમિતિ, વડોદરાના શાસનાધિકારી ડૉ. વિપુલભાઈ ભરતીયાએ બાળકોને આ બાળ વૈજ્ઞાનિક પ્રદર્શનના મુખ્ય વિષય અને પેટા વિષયો અંગે માર્ગદર્શિત કર્યા હતા. તેઓએ બાળકોને વિકસિત અને આત્મનિર્ભર ભારતનું સ્વપ્ન કઈ રીતે સાકાર કરી શકાય અને બાળકોનું વિષ્યના જવાબદાર નાગરિક તરીકે તેમાં કેટલું મહત્વનું યોગદાન હોઈ શકે તેનું મહત્વ સમજાવ્યું હતું. આ બાળ વૈજ્ઞાનિક પ્રદર્શનમાં વિવિધ વિભાગોમાં બામ્બુ વિનેગર ફર્ટીલાઈઝર, ડ્રીપ ઈરીગેશન, WASTE TO WEALTH, પ્લાસ્ટિક બોટલ લાઈફ જેકેટ, ઈ-હાઈવે પ્રોજેક્ટ, જીઓ થર્મલ પાવર એનર્જી, લેઝર સુરક્ષા એલાર્મ, સ્માર્ત કેનાલ પ્રોજેક્ટ, ઇન્ડોર સોલાર ડ્રાયર બોક્ષ, આલ્કલાઈન વોટર વગેરે જેવી કૃતિઓએ આકર્ષણ જમાવ્યું હતું. બાળ વૈજ્ઞાનિક પ્રદર્શનમાં ઉત્કૃષ્ઠ કૃતિ રજુ કરનાર વિભાગ દીઠ એક શાળાને વિજેતા જાહેર કરવામાં આવી હતી. તે તમામ શાળા હવે આગામી સમય દરમિયાન જિલ્લા કક્ષાએ યોજાનાર પ્રદર્શનમાં પોતાની કૃતિ રજુ કરશે. આ સાથે આ પ્રદર્શનમાં ભાગ લેનાર તમા શાળા, શિક્ષકો અને બાળકોને પ્રમાણપત્રો અને પ્રોત્સાહક ઇનામ એનાયત કરવામાં આવ્યા હતા.
Reporter: admin
