પાલિકાની કોઈ પણ વાત છૂપી રહી શકતી નથી.દિવાલોને પણ કાન હોય છે...
ડેપ્યુટી કમિશનર બનવાના અરમાન રાતોરાત જ પૂરા થઈ ગયા
ડીવાયએમસીમાં આરઆર ચેન્જ માટેની ભલામણને કારણે મ્યુનિ.કમિશનર અધિકારી પર તડૂક્યા
ભરતી સેટીંગ મામલે AMC અધિકારી સામે મ્યુનિ.કમિશનરની ચીમકી.એક સ્ટેપ નીચે ઉતારી વોર્ડ ઓફિસર બનાવવાની ધમકી..

રાજ્ય સરકારની નિયંત્રણ હેઠળ ડીવાયએમસી નિમણુંક, મ્યુનિ.કમિશનરની સત્તા પર પાટો છૂટ્યો...
કોર્પોરેશનના અધિકારીઓ પણ ન્યારા છે. તેઓ કંઇ પણ કરી શકે છે. તાજેતરમાં કોર્પોરેશનના એક એએમસી કક્ષાના અધિકારી ડેપ્યુટી કમિશનર (જનરલ)ની ભરતીમાં પોતાનું સેટીંગ કરાવવાના પ્રયાસો કરતા હતા અને તે છેક કમિશનર સુધી પહોંચ્યા હતા પણ આ એએમસીની વાત સાંભળીને જ કમિશનરનો પિત્તો ગયો હતો અને વોર્ડ ઓફિસર તરીકે બદલી કરી દઇશ તેવી ચીમકી આપતા એ એએમસી અધિકારી વીલા મોંઢે કમિશનરની ઓફિસમાંથી બહાર નીકળ્યા હતા. છેલ્લા કેટલાક દિવસોથી તે પોતાના રડતા ચહેરા સાથે જ નોકરી કરી રહ્યા છે. 

આ એએમસી અધિકારી ડેપ્યુટી કમિશનર જનરલ માટે સેટીંગ કરવા ચેરમેન પાસે ભલામણ કરવા પહોંચ્યા હતા. તે આરઆર ચેન્જ કરવાની ભલામણ કરવા માટે ચેરમેનને ભલામણ કરવા પહોંચ્યા હતા. ચતૂર ચેરમેને આ એએમસી અધિકારીની ફાઇલ  મ્યુનિ.કમિશનરને મોકલી હતી. મ્યુનિ.કમિશનરે આ એએમસીને મળવા બોલાવ્યો અને તેને બરાબરનો ઠમઠોર્યો હતો. કમિશનરનો પિત્તો ગયો હતો અને તેમણે એએમસીને વોર્ડ ઓફિસર બનાવી દેવાની ચીમકી આપી હતી. કમિશનર બરાબરના લાલઘૂમ થયા હતા તેથી એએમસી ભાઇ ચુપચાપ તેમની ઓફિસમાંથી બહાર નિકળ્યા હતા. છેલ્લા કેટલાક દિવસોથી તે રડતા ચહેરે પોતાની ફરજ બજાવી રહ્યા છે. આ અધિકારીને એટલી ખબર ન હતી કે હવે રાજ્ય સરકાર ડીવાયએમસીની નિમણુક કરવાની છે અને રાજ્ય સરકારના આરઆરના નિયમો ચેન્જ કરવા તે કોઇ ચેરમેન કે કમિશનરના હાથમાં નથી.

Reporter: admin