દિલ્હી : વર્લ્ડ પોપ્યુલેશન રિવ્યૂમાં ૧૦૦ કે તેથી વધુ વયના લોકોનો આંકડો જાહેર કરવામાં આવ્યો હતો. અહેવાલ પ્રમાણે ૨૦૦૯માં દુનિયામાં ૪.૫૫ લાખ શતાયુ હતા.
એ છેલ્લાં ૧૫ વર્ષમાં વધીને બમણાં થયા છે. લેટેસ્ટ રિપોર્ટમાં આંકડો અપાયો છે. સૌથી વધુ શતાયુની વસતિ જાપાનમાં છે.સો વર્ષ કે તેથી વધુ વય ધરાવતા જીવંત લોકો સૌથી વધુ જાપાનમાં રહે છે. ૧,૨૩,૩૩૦ જાપાનીઓની વય ૧૦૦ કે તેથી વધુ છે. એ સાથે જાપાન લિસ્ટમાં પ્રથમ ક્રમે છે. ૭૩,૬૨૯ શતાયુ સાથે અમેરિકા આ લિસ્ટમાં બીજા ક્રમે છે. ૪૮,૫૬૬ શતાયુ સાથે ચીન યાદીમાં ત્રીજા ક્રમે છે. ટોપ-૫માં ભારત ચોથા ક્રમે છે. રિપોર્ટ પ્રમાણે ભારતમાં ૩૭,૯૮૮ શતાયુ રહે છે. એક સદીનું આયખું ભોગવતા ૩૩,૨૨૦ લોકો સાથે ફ્રાન્સ આ લિસ્ટમાં પાંચમા નંબરે છે.
આ પાંચ દેશોમાં સૌથી વધુ વયોવૃદ્ધો રહે છે. તે સિવાય ૧૦૦ વર્ષથી વધુ વય હોય એવા નાગરિક ઈટાલી, રશિયા, જર્મની, બ્રિટન, સ્પેન, થાઈલેન્ડ, કેનેડા અને દક્ષિણ કોરિયામાં વધારે છે. આ દેશોમાં ૧૦૦ વર્ષથી વધુ વસતિ ધરાવતા લોકો સરેરાશ ૧૧ હજારથી ૨૩ હજાર જેટલા છે. રિપોર્ટમાં એવું કહેવાયું હતું કે હેલ્થકેર સિસ્ટમનો વિકાસ થયો હોવાથી અને આધુનિક ટેકનોલોજી વિકસી હોવાથી આગામી સમયમાં શતાયુની વસતિમાં હજુય વધારો થશે. કદાચ આગામી દોઢ દશકામાં આ આંકડો અત્યારની સરખામણીએ બમણાથી વધે તો નવાઈ પામવા જેવું નહીં હોય.
Reporter: admin
